有Ｄ睇黎微不足道既事情，其實可能係相當重要。。。

一直以黎，人都尋找死後復生既方法

傳說話，人既影係通往地獄之路既門

如果有人開左道門，佢就可以將死人既靈魂帶番人間，救活番果個人

但如果要開依道門，只有一位住響深山既魔導師可以做到

幾年前，熊貓國發生瘟疫，死左好多人

有一個少年法師，佢好好彩響疫症中死唔去，但佢Ｄ家人全部都死晒

佢好難過，好痛苦，成日諗住家人，完全接受唔到

所以佢一直研究所有既方法同典籍，希望可以搵到人死復生既辦法

當佢從古書中知道依個傳說後，就一直搵依位深山魔導師

終於，俾佢搵到，佢叫魔導師打開自己既影

魔導師見佢係為左復活自己家人而黎，俾佢感動左，所以答應幫佢

魔導師話：「我答應你既要求，不過會有一個後果，就係影子會消失。」

少年諗左一陣，就講：「有冇影我無所謂，只要救番佢地就得。」

於是，魔導師將地獄之門打開

少年唔止救番佢家人，仲救埋其他死左既國民

故事到最後，少年既影子消失左，佢同時都消失人間

因為佢進入左地獄之門後，身體已經被影子吞噬

沒有物件，哪有物件的影子呢？

及後，唔知點解少年既事蹟傳遍各地

不過人們都唔再尋找依個方法去復活

傳說亦都無人再提及

少年既死仲有人記得嘛？

人與人之間互相幫助是應該的,縱然可能會有點犧牲。。。

最近我響村裡聽到話有人失蹤左，村民查出去件事既真相，捉左個兇手－－老虎

件事發生響幾日前，有一個年青人到村外放羊，其間，佢遇到一隻老虎

隻老虎睇黎又瘦又虛弱，佢走埋去個年輕人度

老虎話：「後生仔，最近森林度無咩食物，我又老又弱，幾日都無食野，可唔可以送隻羊俾我。」

年輕人係窮人出身，都捱過餓，受過苦，深深明白依種感覺唔好受

於是，佢同老虎講：「既然大家係依個森林既一份子，好喇。」

跟著，老虎就攞左隻羊走左

過左一日，個年輕人到森林入面採藥，又見到隻老虎

今次佢身邊多另一隻老虎

老虎同年輕人講：「尋日好多謝你，依位係我個朋友，佢又係好耐無食野，你可唔可以又俾隻羊俾佢。」

年輕人話：「我尋日俾你隻羊其實可以食幾日，你可以分俾你朋友，加上我今日無放羊。」

老虎話：「真遺憾。。。」

之後個青年人就失蹤左

聽村民話，佢係一個共產主義者，希望依個世界係個大同社會

每個人都可以做到無私心，愛己及人

係一個好人

我無因為個年輕人既死而難過，反而我覺得好好笑

佢生存響共產主義之下，又都死響共產主義之下

村民聽我咁講，都話我冷血

我之後一直在諗一樣野

做「好人」係要有所「犧牲」。。。

真的嗎？

請不要因為怨恨而失去你的愛。。。

不久之前，在世界上除了人類外，仲有兩個種族

人狼同吸血鬼

兩族自遠古以來視對方為敵人，不時發生戰爭

響人狼族中，有一位年輕，入世未深既王子，佢將來會承繼為王

有一日，佢響郊外見到一個受左傷既女仔

於是佢救左果個女仔，後來佢地仲愛上左對方

但王子知道依個係個錯既愛情

因為個女仔唔知佢人狼既身分，佢都唔可以愛上人類

不過，佢仍然堅持依段愛情

後來兩族又開始戰爭，王子擔任左將軍，帶領軍隊出戰

響戰事中，佢親身上戰場殺敵

而敵陣中，有一位勇猛既戰士，而且係女性

於是王子同佢戰鬥，最後殺左佢

依位戰士死左後變番做人類既樣

王子見到之後，完全唔信依個係事實，最後都自吻而死

因為，佢親手殺左自己既愛人

其實被殺既公主，同王子有住同一個想法，同一樣既命運

每個人選擇的路都好唔同。。。

幾年前，有一位天使，佢見到世間凡人一切的享樂，好想念凡間既一切

另一方面，佢好唔鐘意背負神的使者既重任

佢選擇左離開天堂，選擇左唔同一班天使一齊

於是，佢忍心咁將自己對翼除掉，墮落成凡人

起初，佢可以平平凡凡咁做一個人類

但係，有一日魔鬼走過來，要同佢做個交易

魔鬼送對惡魔翼俾依位墮天使，對翼可以俾佢響世間得盡享樂

但代價係要被世人遺忘，遺棄，同忘記以前既一切

墮天使無答應魔鬼依個交易，但魔鬼話，睇來你既翼會生番出黎

依個故事，唔知係一個ＨＡＰＰＹ定ＳＡＤ　ＥＮＤＩＮＧ

ＳＡＤ　ＥＤ係到最後魔鬼真係講中左，墮天使生左對翼出黎

不過，係一對惡魔既翼

因為，墮天使響人世間已經被人遺忘遺棄，不知不覺同魔鬼交易左

ＨＡＰＰＹ　ＥＤ其實，果位墮天使都唔覺得難過

因為，佢已經唔在意背上有無野同有Ｄ咩

每日都明白一些事,但每日都忘記了明白了的事。。。

每天都說明天要做什麼，但明天又會說明天才做那個。。。

每月都想一想下月會怎樣，但每月總就是一樣。。。

每年都希望下年過好些，但一年一年不停過呢 。。。

可能只可以專心做一件事，但我太多心了

不竟，不貪好就沒了動力。。。